छोराले बन्चरो प्रहार गरी बुवाको हत्या

बर्दिया,४ जेठ । बर्दियामा आफ्नै छोराले बन्चरो प्रहार गरी बुवाको हत्या गरेका छन । जिल्लाको ठाकुरबाबा नगरपालिका २ बलाती गाउँमा ४१ वर्षीय दोर्णरत्न पोख्रेलले बन्चरो प्रहार गरी ७४ वर्षीय बुवा रत्नलाल शर्मा पोख्रेलको हत्या गरेको हो । हत्या गरेको आशंकामा प्रहरीले उनलाई पक्राउ गरेको छ ।

भुरिगाउँ बजारमा बस्ने मृतकका बुहारीले फोन गर्दा ससुराले मोबाइल फोन नउठाएपछि शुक्रबार दिउँसो घरमै गएको र त्यहाँ रगत मात्रै देखेको बताइएको छ ।

प्रहरीले सुचना पाएलगतै इलाका प्रहरी कार्यालय भुरिगाउँको प्रहरी टोली घटनास्थलमा पुगेपछि घरभित्र रगत र घर नजिकै करेसाबारीमा शंकास्पद अवस्थामा खाल्डो खनी गाडिएको देखेपछी जिल्लामा खबर गरिएको इलाका प्रहरी कार्यालय भुरिगाउँले जनाएको छ ।

घटनाबारे अनुसन्धान गर्दा मृतकको टाउको र शरीर अलग गरी एकै ठाउँमा गाडिएको फेला परेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।

तपाईको प्रतिक्रिया

About the Author

KR NEWS

उहाँ KR News Portal (केआर समाचार पोर्टल)मा सम्पादक-इन-चीफ हुनुहुन्छ। उहाँ लाई संपर्क गर्नलाई र तपाईंको कुनै पनि लेख प्रकाशित गर्नलाई इमेल गर्नुहोस।
Email: krnewsportal@gmail.com